Naiz-ek Iñigo Gebara eta Iratxe Esnaola, Hezkuntzan Librezaleko kideak elkarrizketatu ditu. Gebara eta Esnaolaren ustez, “digitalizazioaren norabidea finkatu da, baina urratsak ematea falta da”. Hezkuntzan Librezale taldeak duen ikuspegia EAEko Hezkuntza Legean txertatzea lortu da, baita 2023-2024 ikasturteko Ikastolen Elkarteko VII. Batzarrean ere. Hau da, tresna libre eta auditagarrien aldeko apustua, teknologia ez dela neutrala ulertzea, digitalizazioaren intentsitatea nabarmen jaistea… Baina hala ere, bereziki Eusko Jaurlaritzako Hezkuntza sailaren partetik “borondate falta” dagoela diote eta besteak beste, tresna libreen gainean eraikitako Iradi proiektua “modu xumean eta indar gutxi jarrita” gauzatzen ari dela diote.
Elkarrizketa guztia Naiz-en, Iker Bizkarguenagaren eskutik.