Eider Imaz Izarkom lantaldeko kideak mugikorraren oinarrizko erabilerarako gakoak emango ditu Izarkom Eskolaren bosgarren saio honetan. Eskola baino egun pare bat lehenago inkesta bat pasako diete izen eman dutenei, zalantza nagusiak zein diren identifikatu eta ondorengo saioan hauen gaineko lanketa burutu ahal izateko. Saio praktikoa izango denez, hartzaileei smartphone-a ekartzea gomendatzen diete antolatzaileek.

Saioa euskaraz izango da eta mokadutxo bat jateko aukera izango da amaieran. Interesa duenak izena eman dezake presentzialki Bilbora etortzeko (plaza mugatuak) edo online streaming bidez ikusi ahal izateko. Izen ematea beharrezkoa da, eskolari buruzko informazio osagarria jasotzeko edo eta azken orduko beharrizan edo aldaketak jakinarazi ahal izateko.