Durangoko Azokako lehen egunean, ikasle goizean, digitalizazioa ikuspegi kritikoarekin lantzera bideratutako tailerra egingo dute. Zer da “hodeia”? Hodeirik gabe teknologia erabil dezakegu? Non dago burujabetza eta menpekotasun digitalaren arteko muga? bezalako galderei erantzuten saiatuko dira ikasleak, rol nahiz jakintza-jolasetan murgilduz. Taldean lan egin beharko dute aurkeztuko zaizkien erronkei aurre egiteko. Dinamizatzailea Leire Lisón izango da, Humanitate Digital Globaletan graduatua Mondragon Unibertsitatean.