Izarkomek eta Goienerrek energia eta telekomunikazio azpiegitura kritikoei buruzko eztabaida sortu dute, eta ‘Itzali sistema piztu alternatibak’ manifestuaren aurkezpen publikoa eta solasaldia antolatu dute. Egungo sistemaren hutsuneak azalerazi eta dagoeneko martxan dauden alternatiba zehatzak ekarriko dituzte mahai ingurura. Solasaldian Maria Arretxe Aguirrek (Goiener) eta Iker Garaialde Etxaburuk (Izarkom) parte hartuko dute.