Mikel Gartzia, Abaraska eta Librezale taldeetako kideak Euskal Fedibertsoari buruz hitz egingo du Izarkom Eskolaren laugarren saioan. Lehen 30 minutuetan gaiaren inguruan teorizatu ondoren, ikusitakoa praktikara eramateko aukera izango da. Horregatik parte hartzaileei smartphone-a edo/eta ordenagailu eramangarria ekartzea gomendatzen diete antolatzaileek.

Saioa euskaraz izango da eta mokadutxo bat jateko aukera izango da amaieran. Interesa duenak izena eman dezake presentzialki Bilbora etortzeko (plaza mugatuak) edo online streaming bidez ikusi ahal izateko. Izen ematea beharrezkoa da, eskolari buruzko informazio osagarria jasotzeko edo eta azken orduko beharrizan edo aldaketak jakinarazi ahal izateko.