2023 urteko txostena argitaratu du software libreko Mastodon proiektua garatzen duen irabazi asmorik gabeko sozietateak. 545.000 euroko dohaintzak jaso zituzten, 7.400 babesleren eskutik. 2022arekin alderatuta %65eko igoera da hori. Horri esker lan-taldea handitu dute, pertsona gehiago kontratatuta, eta beste lan batzuk autonomoei eskaini dizkiete, esaterako Android eta iOSerako aplikazioen garapena.