U-GOB Tecnología en Gobierno komunikabideak Richard Stallmani egindako elkarrizketan, askatasuna, sotware librea eta giza-eskubideak izan dira hizketagai.
Richard Stallmanek, software librearen mugimenduaren sortzaile eta Free Software Foundation-eko presidenteak, “Hodeia” kontzeptua kritikatu du, erabiltzaileak nahasten dituelakoan. Bere iritziz, “hodeia” ez da existitzen; zerbitzari multzo bat da, enpresa edo estatu baten menpe dagoena, eta erabiltzaileek jakin behar dute zerbitzari horiek norenak diren eta zein herrialdetan dauden, datuen pribatutasuna eta kontrola bermatzeko.
Era berean, software librearen lau oinarrizko askatasunak azpimarratzen ditu:
-
Programa edozein helbururekin exekutatzeko askatasuna.
-
Programaren funtzionamendua aztertzeko eta egokitzeko askatasuna (horretarako, kode iturria eskuragarri izatea beharrezkoa da).
-
Kopiak banatzeko askatasuna, komunitateari laguntzeko.
-
Programaren bertsio aldatutako kopiak banatzeko askatasuna, komunitate osoari onurak eskaintzeko.
Stallmanek software librearen eta kode irekiko softwarearen arteko bereizketa egiten du: kode irekia programazio metodologia bat dela dio, eta software librea, berriz, mugimendu sozial bat. Berarentzat, software librea erabiltzaileen askatasuna eta eskubideak errespetatzea da, eta software jabeduna arazo sozial bat dela uste du.
Gobernuei dagokienez, Stallmanek uste du administrazio publikoek software librea erabili beharko luketela, herritarren askatasuna eta segurtasuna bermatzeko. Hala ere, ohartarazi du enpresa handiek, software jabedunaren aldekoek, eragina dutela gobernuen erabakietan, eta horrek zaildu egiten duela software librearen erabilera.
Elkarrizketa osoa hemen.