ARGIAk sare sozialen inguruan egindako hausnarketen berri eman du xehetasun handiz. Twitter / X eta Facebook uztea erabaki dute, bertan egoteari alde negatibo gehiago ikusten diotelako positiboak baino. Horiek elikatzeari eskainitako denbora tresna propioak indartzeko baliatuko dute: ARGIA.eus, email buletinak eta Fedibertsoa. Fedibertsoa ere “gure tresnak” atalean sailkatu dute, euskal komunitateak autogestionatutako tresna libreak ere bere sentitzen dituztelako.