2001eko abenduaren 6an Euskarazko Wikipedian lehen artikulua sortu zuten: Lurra. Euskarazko Wikipedia edo Euskal Wikipedia edonork editatu dezakeen Wikipedia entziklopedia librearen euskarazko edizioa da. 2004an 1.000 artikuluen langa gainditu zuen, eta geroztik goraka jarraitu du, bai kopuruan eta baita kalitatean ere: 2006an 10.000 ziren. 2007an, Jimmy Walesek, Wikipediaren sortzaileetako batek, Euskal Wikipedia hizkuntza txikien wikipediak izateko zentzuaren adibide arrakastatsu gisa ipini zuen. 2024an ia 450.000 artikulu ditu eta 675 lagun ari dira aktiboki ezagutza guztion eskura lizentzia librearekin jartzeko lanean boluntario bezala.
Iturriak:
- Euskarazko Wikipedia (webgunea) – Euskarazko Wikipedia
- Euskarazko Wikipediaren estatistikak