Efemerideak

duela 30 urte

XUXEN zuzentzaile ortografikoa aurkeztu zuten

1994ko irailaren 29an, XUXEN aurkeztu zuten, euskararako lehen zuzentzaile ortografikoa. Elkarlanean sortu zuten UZEI-k, Baionako Hizkia enpresak eta EHUko IXA taldeak. Lehen bertsioa bi disketetan zabaltzen zen, garaiko bi sistema eragiletarako: Windows 3.0 eta Mac 7, eta gehien erabiltzen ziren bi testu-prozesadorerekin bateragarria zen: MS Word eta WordPerfect. Erabilpen profesionalera (administrazioa, itzultzaileak, idazleak…) zuzenduta zegoen eta, garaiko softwarearekin gertatu ohi zenez, garestia zen (deskatalogatuta dago orain, baina azken prezioa 84 €-koa zen).

Geroztik hainbat bertsio argitaratu dituzte, eta arrakasta handia du proiektuak. Lehenik CDetan banatzera pasatu ziren, eta aurrerago Eleka-Elhuyarren lanari esker web bidez deskargatzeko aukera zabaldu zuten. 2006an software libreko bertsioa argitaratu zuten, “nahi baino beranduago”, egileen esanetan.

Xuxen zuzentzaile ortografikoaren aurkezpenean Kepa Sarasolak ateratako argazkia (CC BY-SA). Beheanː Aitor Soroa, Jon Mikel Intxausti, Xabier Arregi, Montse Maritxalar, Izaskun Aldezabal; Erdianː Iñaki Alegria, Koldo Gojenola, Arantza Diaz de Ilarraza, Eneko Agirre, Itziar Aduriz, Miriam Urkia eta Jose Mari Arriola; Goianː Alexandre DaCosta (Hizkia), Kepa Sarasola, Julio Abascal (Informatika Fakultateko dekanoa) eta Nerea Ezeiza.

Iturriak:

Partekatu

Atzera